送給各位的新年禮物 - 赤走泰國掃霉(koh Samui)

中國境外旅遊活動及遊記分享

送給各位的新年禮物 - 赤走泰國掃霉(koh Samui)

文章 #1  未閱讀文章水上飛 » 2009-01-22, 17:57

赤腳首會泰國蘇梅島大自然之旅

序 :

趁工作告一段落, 加上金融海嘯生意淡薄, 趁機回歸大自然自我放縱一番 relax 12 天, 小弟這類充滿動感的野性分子, 工餘場喜歡上山落海, 唔激唔玩, 十分不開心生活在由香港特衰政府劃定的小圈子 - 荒山野嶺騎腳踏車要檢控, 玩水上活動一定要著呢樣那樣先讓你玩, 當小朋友般教你過馬路 ...... (下刪一百字). 一到泰國, 簡直如魚得水, 快活到無有, YEAH !

網上 book 定來回機票, 日子一到, 背起那多次伴我走天涯的 backpacker 背囊, 帶個指南針(backpacker 的重要工具)及網上 down load 的粗略地圖, 求其踢對平價爛鬼人字拖鞋(沒打算指望它能長途跋涉,求其在有汽車油污的路面幫我擋擋, 使油污不污染我雙腳而已), 做相信從沒有香港人會做的 - 赤腳全程遊蕩泰國蘇梅島 ! 經常聽聞見聞山區朋友日常過的是沒鞋穿的生活, 他們可以, 為什麼我不能 ?! 就這樣 "爛達達" 踏上征途, 各位朋友不要說我太隨便不尊重, 泰人都頗喜愛穿人字拖鞋, 踏上泰國炎熱多雨的土地, 特別集靚沙灘和少量雨林的蘇梅島, 我就更 "變泰"甚至"超變泰", 像部份沙灘泰仔和少量鬼仔, 穿泰文 T-shirt, 及膝滑浪短褲, 就這樣背著個背囊赤著腳, 由早行到晚"辣灘"或找落腳 "崩牙佬", 或赤著腳駕摩托車由早辣灘辣到晚之後黑媽媽赤著腳駕摩托車衝著水 "tum" 回 "崩牙佬", 到沖完涼洗淨雙腳臨上床前幾分鐘才穿上那爛鬼人字拖, 這裝束似乎最適合這純大自然的環境. 黝黑如泰仔的膚色, 加上這副模樣, 致上館子或碰上其他泰人和我說話都向我講泰文, 遞給我的是泰文頁的餐牌, 到打開話盒子, 完全沒有人估得中我是 100% made in Hong Kong, 扮野搞野詭計得逞, 哈哈!

1. Air Asia 奇遇記 :
新屎坑, 本著試一試 Air Asia 會怎樣, 結果是 "大開眼界"下的 "r" 頭, check in counter 的大佬十分無厘頭, 可能之前睇得星爺的戲太多, 受感染代入了 ! 以前有不良經歷其他旅客寄艙行李內的"油鹽醬醋茶"瓶不知破了還是蓋不緊, 我的背囊不幸在它旁邊, 當然被污染了, 有異味不但止, 最大鑊是惹蟻! 我還要背著它長途山海旅程兼旅程剛開始. 所以之後學精了, 臨上機 check in 前用個黑色大垃圾袋裝住, 再用尼龍繩一紮, 行李標籤綁在尼龍繩處加貼在膠袋面, 打風都打唔甩, 海關要檢查解開條繩已可, 很方便, 之前搭乘過其他航空公司都沒問題,今次不知是行衰運還是這是 Air Asia 的規矩, 衰了 !

check in counter 有個肥哥哥(姑稱之為阿"肥") :

肥 : 咁樣唔可以 check in !
我 : Why ? 我怕其他行李有液體漏出弄污我的背囊!
肥 : 唔得 ! 你怕就我建議你托運喇 !

見咁情勢, 堅持無用, "權"頭在近, 弄到過了 check in 時間, 他把 check in counter 一關, 咁就 Thailand Walk (廣東粗口諧音), 蝕底自己, 鬼叫試新屎坑咩, 洗濕個頭, 唯有死死氣拆了個膠袋, 再拿給他搞 check in 大背囊寄艙.

肥 : 都係唔好 ! 我地怕你個背囊入面 D 野跌出來, 都係托運喇 !

這下佛都有火了 : 我用過很多其他的航空公司, 這樣的背囊寄艙都沒事 ! 海關要檢查自己會打開拉鏈, 不人手打開拉鏈, 入面 D 野唔會自己跌出來 ! 還有什麼問題 ?! 無問題就快點給我搞 check in ! 已時間無多了 !

阿肥一路搞 check in, 又有野上腦了, 像老豆教仔 : Passport 証件不要放入寄艙個背囊, 不可手攜液體 ......(下刪 100 字, 免浪費篇幅). 一路哦到辦完 check in 手續, 最後, 見我手上有三個類似超市的膠袋, 實情內有樽水和個飯盒, 打算食埋個飯盒才入閘的, 還有件外套, 竟對我說手攜行李只限一件, 真 TMD 超那星 !

我把兩個膠袋放入第三那個 : 得未呀 ?! 過唔到安全檢查我自負責任 ! OK ?

這樣他才倖倖然給我登機牌和其他文件, 真為之氣結 ! 如我帶有其他運動器材, 例如爬山單車, 帆板等(當然不是同時帶兩種, 未咩過重磅咩), 分分鐘有麻煩被拒載, 則, 我想我如帶有這些器材, 我不敢用 Air Asia 了, 其他航空如國泰等是絕對沒問題的, 我很多車友帆友都是這樣帶私家車過去玩, 免在香港呢樣話不准那樣話檢控般剎風景壞氣氛, 當然, "振興經濟"的消費就讓其他國家或地區賺了.

2. 南下火車票難買 :
雖然非 Peak Season 或 High Season, 但去 SuratTani 的火車票仍然頗緊張, 本來想買 second class sleeper, 因夜晚頗涼快, 根本無需冷氣, 最後被迫要焗冷氣 - First Class Sleeper + A/C, 更要是時間不是很理想的班次 ! 我就戲稱其為 refrigerator, 不是 air conditioner, 悽身 refrigerator 內, 穿樽領冷衫加外套長褲睡覺都覺得冷. 所以各位 backpacker, 有可能的話, 例如曼谷有朋友, 最好提早兩三天托朋友買好火車票, 更是來回的, 除非計劃是到時玩夠再看去哪裡, low season 都這樣, peak season 更不用說了, 只能說 good luck to you 了.

既然是 "赤腳會泰國蘇梅島大自然之行", 整個旅程就沒打算或想過會或要穿鞋, 自踏上往 SuratTani 的火車, 至 "玩完"個超過 10 日旅程, SuratTani 火車返抵曼谷 Hua LamPhong 火車終站, 總累積穿鞋(只是那人字拖而已)時間少於一小時, 基本上都只是在洗完澡到上床睡覺這幾分鐘穿對人字拖免弄髒腳底上床罷了, 檢查腳底, 沒傷沒損, 証明這雙赤腳是經得起考驗, 能赤著腳去旅行, 甚至上山落海駕摩托車, 玩些具冒險性的活動的 ! 不怕路面崎嶇, 只怕那些黃火蟻紅火蟻, 一個不小心誤踏中蟻路給它咬一口, 足紅腫幾天才散, 這些 "敢死蟻" 連蚊怕水都不理而照咬, 下次要找找有沒有 "蟻怕水" 先得.

3. SuratTani 火車站去往泰國蘇梅島的 Donsak 碼頭 :
在火車的 "冷藏卡"睡醒, 已到 SuratTani, 由於這班車不是以 SuratTani 為終站, 所以要看實, 否則火車會去到 Nakhon Si Thammerat, 就要改行程不玩阿泰國蘇梅島了. 但也無需太緊張, SuratTani 是大站, 會有很多人(應該是"鬼", 基本上都是去搵泰國蘇梅島或其鄰家女孩高盼丫 Koh Phangan 的)下車, 見他們執拾行李準備下車, 看看站牌, 是 SuratTani 就準沒錯, 泰國蘇梅島是鬼佬(尤其法蘭西)至愛, 一般跟他們大隊不會坐過龍的, 睡過龍就幫你唔到了.

在 SuratTani 火車站, 一出站有停車場, 正面亦有不少 local travel agent 和左面的"information", 可先去 information office 取免費 SuratTani 和蘇梅島的旅遊圖和介紹, 跟住自行殺上去登上去蘇梅島或 Donsak 碼頭的旅遊巴, 會有人截住你買票的, 票價約 100 Baht, 或給一佰幾十 Baht 佣那些 agent 賺, 他們會有人安排指定架旅遊巴和船票, 不會 "酒乾倘賣無" 的. 如不經那些 agent, 自己坐旅遊巴去 Donsak, 要留意有兩個碼頭, 較遠那個碼頭(仔)是載車仔連乘客去蘇梅島或 koh phangan 的, 一般去蘇梅島是在較近的那個大碼頭, 兩個碼頭相差約 45 分鐘腳程, 大碼頭是給 Seatran 船公司的下層載車上層載客的渡海"大"輪, 有條長長的走廊伸出海中心, 大船食水深也, 不難辨認.

對 backpacker, 指南針和地圖是大海明燈, 終極裝備, 不像 GPS 要用電和要能收到頭殼頂的訊號, 加上有 software 記錄才 work, 留意的是, 曼谷有 "紅黃綠 taxi", 蘇梅島都有黃綠 taxi, 但 SuratTani 是沒這些 taxi 的, 市內公共交通是行動緩慢的老爺巴士和小四輪車仔的 minibus, 有乜依郁唔掂, 截架 taxi 去目的地呢招唔使得. 由 SuratTani 火車站登上旅遊巴, 看著指南針一直向東行, 能順利抵壘 Donsak 個大碼頭, 坐船去蘇梅島就沒難度, Seatran 公司的船由早上 6 時到晚上 7 時, 每小時有船由 Donsak 往蘇梅島, 和由早上 5 時到晚上 6 時, 每小時有船由蘇梅島的 Nathon 碼頭往 SuratTani 的 Donsak 碼頭. 不過回程就兩回事了, 請看下文分解.

由 SuratTani 火車站去 Donsak 碼頭, 基本是那些大型冷氣旅遊巴, 和那些與 travel agent 挂勾的 van 仔, 對不懂泰文的, 通過 agent 安排這些 van 仔或冷氣旅遊巴是最佳選擇, 特別是回程更接近是唯一選擇, 即係無得選擇, 否則他們如收工收晒車, 仍然在 Donsak 就 Thailand Walk ! 準備勒緊肚皮訓街過夜都得咯, Donsak 一帶係無住宿無野食也 ! 我在回程時想試試不經 travel agent 安排車船回 SuratTani 火車站, 搞到幾乎流落 SuratTani 街頭, 不但止, 如赶不及上回曼谷的火車, 再送埋飛機尾, 後果真係 "荷蘭加泰國行" - Holland Thailand Walk 也! 這經歷險過, 難度亦高過在蘇梅島那些沒時間限制的 adventurous / challenge 活動或行動, 這部份留待回程篇再解說.

SuratTani 火車站與 Donsak 碼頭路程頗長, 大型旅遊巴踩 100km 時速都要個幾鐘, 沒可能靠對腳, 由 SuratTani 市中心到火車站都有十幾公里. 根據火車站的 taxi 價錢參考牌, 到 Donsak 碼頭約 1200 Baht, 所謂 taxi 是那些 van 仔 / 小四輪車仔 minibus, 而那些大型冷氣旅遊巴只收每位 100Baht; 如 through travel agent, 包括 100Baht 由火車站到碼頭, Donsak 碼頭到蘇梅島的船票 130 Baht, 他們只收合共 280Baht, 賺 50Baht 服務佣金並不多也.

4. 坐船往蘇梅島 :
來往 Donsak 和蘇梅島 Nathon 碼頭的是 Seatran 公司購自日本的二手 "xx丸", 不過定 D 來, 一定唔係"池祖丸", 行起上來都頗定, 類似以前香港的麻麻地汽車渡海小輪, 車下層人上層, 航程個半小時. 在 SuratTani 的 Donsak 碼頭, 如經 travel agent, 則有票持票入碼頭驗票入冷氣侯船室, 無票(不經 travel agent)則先到碼頭售票處購票, 之後才入碼頭驗票入冷氣侯船室.

到蘇梅島的 Nathon 碼頭後, 個碼頭都頗長, Seatran 公司有免費車(老爺無門巴士)載乘客到馬路, 無需自己行到馬路, 當然自己行都是行幾分鐘罷了, 到馬路後, 可搭黃綠 taxi 直去目的地, 或那些類似農夫車的 minibus, 因車身黃紅色, 故叫做 RedBus, 車費全程最高 60Baht, 下車時走到司機旁乘客位窗邊付錢, 有設找續. 車頂旁邊有寫去那裡 (Chaweng, Lamai, MaeNam等), 我由 MaeNam 近 Nathon 些的 BangPor Beach 隨手截去 Nathon 碼頭的 RedBus, 只需 20Baht.

5. 擁抱激吻蘇梅島 :
老天爺都算幫到盡, 這頭尾 12 天的旅程, 只是在到達蘇梅島第一天日間落雨但不大, "忍到"離開當日才落大雨, 落到 SuratTani 道路水浸成呎深, 始終雨季未完, 泰國都是多雨的地方, 否則何來這麼多美味的水果和世界馳名的大米. 蘇梅島真可愛, 幾乎天天下大雨, 但都是在夜晚先喊到收唔到聲, 日間就陽光普照, 結果就是道路積水成溪甚至頗為泥寧. 既然是大自然之旅, 當然住的是親近大自然, 吹著海風聽著海浪聲的 "崩牙佬", 不是"五星級的家"焗冷氣浸泳池, 享用的是 mother nature 的免費溫熱腳底按摩而不是付錢給泰妹(可能係泰婦)去捽你腳板底, 300 Baht 一日有風扇無熱水, 實際亦無需冷氣, 晚間頗涼, 睡覺要穿長袖衫褲才不覺冷.

愛玩山海運動的我, 物以類聚, 初到貴境, 當然是去訪尋當地的同好, 每天天光起床梳洗完畢, 光著腳丫子就去踩灘 - 由灘頭行到灘尾, 之後上回馬路, 或遇小溪過不了, 走回馬路過橋再接落灘, 這些小溪不闊, 但流水沖刷及帶來山泥, 深水位不能澗水過而要游過去, 因那淤泥底都頗啜腳, 如沉了半個人下去啜住, 浪來了都頗危險也.

Samui 的沙灘都頗長, 尤其幾個大灘, Chaweng, Lamai 甚至 MaeNam 都是, 每個灘都有數公里長, 並且有時中間有條小河小溪或海水浸到岸隔開了, 我就這樣赤著腳早上行到太陽收工, 盡享那無敵陽光與靚灘, 更要走回所落腳的 "崩牙佬", 一天走 10 多公里恐怕都少不了, 努力下都有些收穫, 轉轉折折介紹再介紹都認識找到當地玩同類運動的"陀地", 所以哪位 thailand fans 想在蘇梅島玩(學)水上(不是一般料的潛下水扒下獨木舟, 這些普通料通街都係)運動, 例如 kiteboarding 和 windsurfing 等, 可聯絡小弟.

食在蘇梅島完全不是問題, 宵夜有 "7-11" 和 "FamilyMart", 常餐路旁有很多豐儉由人的食肆, 一碟雜菜炒飯只幾十 Baht, 折合港幣十元或十多元, 但質素遠高於香港的廿多元飯盒, 飲冬陰公都飲夠, 都係約 80-100 Baht, 但蝦都最少五六隻, 最高紀錄竟然有近十隻蝦, 隻隻都最少手指尾大, 碗冬陰公唔鮮甜都難, 和香港泰菜館那些孤寒蝦再加中國師傅 - 味精, 都要成佰蚊, 不過更係港幣, 完全兩回事, 回港後完全提唔起興趣去食泰菜! 在蘇梅島晚晚食七咁食都係兩三佰 Baht, Lamai Beach 大路近 Hin Ta Hin Yai (阿公阿婆石 - 大自然的鬼斧神工又幾傳神)路邊有間用木橋搭出去的泰菜館, 幾成了我每晚的飯堂, 絕對值得推介, 騎電單車刮盡蘇梅島, 呢間泰菜館最合"性價比", 見外面晚餐時間泊了很多當地人的摩托車和四個轆就係標誌, 和落單的姐姐頃開, 竟識幾句普通話, 原來不少大陸團參觀完阿 Hin Ta 個大支野和 Hin Yai 果條罅後都走去幫趁, 我顧住食,沒記下這泰菜館的名字, very 鎖你.

蘇梅島除了有靚沙灘, 按地圖示, 亦有山和瀑布 waterfall, 因幾乎每天夜晚都落大雨, 入山的路又水浸又泥寧, 好似小溪咁, 一般遊人真係要騎象入, 而我那雙鐵腳板就給我莫大的方便, 就這樣赤著腳由 "崩牙佬" 出發直踩入山去尋幽探秘. 蘇梅島的山不高, 最高只幾百米, 象香港島最高點咁上下高度, 亦不覺有可觀的瀑布, 如在香港行開山溯過九大石澗, 你會覺得蘇梅島的瀑布沒甚麼睇頭.

蘇梅島的人, 和其他泰國人民一樣, 大部份都很 nice, 你向他們雙手合什 "莎話 D 給", 他們基本上都露出潔白的牙齒笑著向你回禮, 不過請小心, 蘇梅島多養有"走地狗", 它們通常較它們的主人快來到你面前露出雪白的牙齒, 人在他鄉被這畜生嘴一口就 Thailand Walk !

講開蘇梅島, 想順帶談談很多朋友經常問的租電單車的問題. 在蘇梅島租電單車頗方便和容易, 係通街都有得租果隻, 租車唔會問你有無國際牌, 頂多是要求扣你 passport 到還車才退給你, 但頗 depends, 不同店舖, 不同 hotel, resort, "崩牙佬" 有鬆緊不同做法. 至於取不取個國際牌, 愚見認為當用 HK$80.00 去運輸署即取個有效期有一年的國際牌作為保險是值得的, 過百蚊我就唔制了, 特別是一年去數次, 則萬一有事, 唔好話炒車咁大吉利是, 警察查其他時"殃及池魚"順手查埋你咁好彩經過, 都可昂首挺胸大大聲 "yes sir, 牌呀拿". 在蘇梅島租單車都要 100Baht, 當然不能說貴, 但租電單車都只 150 Baht, 就唔會租單車了. 腳波車 150 Baht / 自動波 200 Baht 是公價, 起碼 95% 的租車都是這個價, 所以唔使花時間格價, 檢查清楚各種制的性能, 燈有無燒, 砵砵, 胎有無漏氣穿孔, 有否上手炒車的損傷, 取車時核對清楚, 免還車時爭拗. 我在"掃街"過程中, 都發現在 Lamai 與 Chaweng中間的山丘仔高處有平三兩十 Baht 的車可租, 但因不近住處, 故沒考慮, 亦是平都沒人租的原因吧!

到當地的水上活動同好的吹水架步吹水, 其中一位爛玩女士(亦是除我外唯一一名華人)來自廣州, 由某大 resort group 派到蘇梅島搞市場推廣的, 她說她的同事, 有駕過電單車的,基本上個個都炒過車, 分別是大鑊細鑊罷了, 嚇得她不敢在 samui 駕電單車, 不過在 samui 如出入靠坐那 RedBus, 交通費也高了點.

為了能去踩離落腳 "崩牙佬" 遠些的灘, 例如住在 Lamai 但去踩 Chaweng, 我落定腳放下個過十公斤重的大背囊後, 差不多翌日就租電單車做腳走遠程環島玩島, 作為過氣香港街飛車手及有玩 DownHill mountain bike 的我, 當然不會這樣容易在蘇梅島炒車, 但都覺得, 儘管當地人包括很多靚女少女都駕摩托車, 大多沒戴頭盔, 風鏡就基本都有, 不過相信大部份那些平價黑超都非真材實料, 戴這種廉價黑超頗型但壞眼, 瞳孔誤以為耀眼陽光被擋了而放大, 實際上那些廉價黑超並不能足效阻擋強烈的陽光, 反令進入眼的有害光線多了而傷眼, 所以我只戴個透明風鏡防沙塵.

在蘇梅島駕租那些電單車都頗危險 :

a. 那些租來的車性能不佳, 光頭胎, 胎沒戥好(是根本沒戥過), 典下典下, 稍高速(實情只60km/hr)就震, 墩墩下, 避震又差, "好彩" 個 brake 唔係咁應, 沒這樣容易鎖死車輪跣胎.

b. 路面多沙及積水, 特別是沙, 對電單車最要命, 很易跣前輪失控炒車, 亦見過鬼佬炒車, 和手綁繃帶的當地少女 - 看傷的位置明顯是炒電單車造成的, 我都試過幾次急剎車 brake 死了前後輪, 因為有玩開 mountain bike, 本能反應識 "人手 ABS", 或上山在泥路上少少甩住尾上去, 竟然被我看到有當地泰仔用這些雞車玩起頭轆, 真藝高人膽大, 也見有當地私家電單雞車裝上菠羅胎, 在多沙和泥的路面, 這才是適當的輪胎選擇嘛.

c. 更有的是, 因到處踩灘踩山, 到回到架車處已天黑, 即是要黑夜赤腳駕電單車十多二十公里甚至更長路程回 "崩牙佬", 白天駕電單車已見路面多危機, 夜晚, 加上那些雞車的大燈又不很光, 大部份路沒街燈, 嘿嘿, 更激 ! 因看不通賂面, 只能以白天的一半速度安全行車, 打道回府.

幸而蘇梅島的汽車駕駛人都頗有駕駛教養, 不會亂扒電單車頭危害電單車駕駛人安全, 我在香港間中都落波盡油追前到燈位問侯那些百佳的士佬個老母 ! 特別是騎單車時, 政府唔好大教壞細, 香港的駕駛人以至行人都當騎自行車者透明. 當地人的駕駛修養延伸到駕摩托的少年少女(相信他們像很多遊客般根本沒牌甚至在自己住地都沒上過駕駛課程), 他們出大路時例必禮讓, 不會像中國大陸般亂竄出來, 亦會主動靠左不"阻住地球轉", 我在香港作為 daily driver 駕車廿多年, 很少見到這種普遍良好的駕駛態度的, 在中國大陸更是稀有 !

我用慣腳波(他們叫 "gear", 以和 "automatic"區別)的, 如自動波平我當然會租自動波羊, 150 Baht一天十分抵玩, 汽油自負, 非自動波的會更省油, 我咁多日刮盡蘇梅島都係用了百多 Baht 油錢, 一取車即去大油站打爆缸, 都係 100Baht, 去油站入油便宜, 91 號汽油廿零 Baht 一公升, 不過設有最低消費 50 Bath, 街邊"啤酒樽"或散裝油會成 40 Baht 一公升, 如行到乾塘要救急就貴都無計了, 我就備條膠喉, 還車前泵走入多了的汽油裝入空水樽, 到另一個灘落腳再租車時倒回, 因大油站有最低消費, 沒法子, 還車時剩咁多油車主唔會多謝你, 我臨離開前把用不完的汽油送給新相識的朋友, 反得到說聲多謝的回報.

之前說過租車的會否扣下你的 passport 頗 depends. 我在 Lamai 所住的 "崩牙佬" 租車, 死都要扣我 passport, 特別個法國老細, 更無得頃, 赶客局, 竟叫我出外面租, 到個泰國 partner 回來, 他容許我拿走 passport (我話要買機票), 泰人始終 Nice 些, 但要留影印本兼簽責任承擔合約(可能之前他們有被人走佬的壞經歷), 可是, 在 MaeNam 的 "崩牙佬" 在 check in 入住時, 抄了 passport 資料後就 check out 才連 meal + 租車一齊結數, 甚麼都不用押就給車匙我.

6. 深入蘇梅島叢林地帶 :
椰林處處, 頗有熱帶雨林 feel, 但必須帶備蚊怕水, 叢林深處的餓蚊索到人肉香, 三五分鐘就可完成起飛和攻擊動作 ! 我沒穿鞋襪, 要留心多一樣東西, 就是地面部隊 - 不要踏上那些黃火蟻紅火蟻, 它們不畏蚊怕水的毒性和厭惡味道, 會狂咬著你不放, 即時一痛就已中了招, 就算立即把它撥下, 被攻擊的中招地方都已腫起成個 10Baht硬幣咁大舊, 腫痛麻幾日先退.

泰南的陽光頗勁, 但根據最新醫學研究, 皮膚黑色素的"帽子效果"是最無副作用的防曬盔甲, 過量暴曬有機會引致皮膚癌, 濫用太陽油同樣那些 chemicals 亦會誘發皮膚癌 ! 要進行這樣極端爛玩的戶外運動活動, 在熱帶驕陽似火的漫長沙灘山野環境下, 一下子太陽油用完補不了貨, 皮膚很易被曬傷 ! 要"建造"這無副作用的對抗驕陽的"防火牆", 循序漸進式(即不曬傷脫皮)曬黑皮膚使能有效頂得住烈日, 象那些型仔泰仔泰妹般的自然黝黑膚色是最佳方法, 而令皮膚不至"乾真真"的椰油, 在那些類似士多的店舖, 100ml 的只售 60Baht.

7. 蘇梅趣事 : 就這樣天天赤著腳, 或行或駕摩托, 日日踩不同的沙灘, Lamai 南到 Lamai 北, 去完 Taling Ngam 訪村繼續向 Nathon, Chaweng 南到 Chaweng 北, 踩完 Lamai Chaweng 一帶就搬竇到 MaeNam 踩 MaeNam / BoPhut / BangPor, 見有路入山就駕著那"雞摩"入到不能再入了, 就靠雙鐵腳板繼續踩入山走訪不同的山和村, 餓了就這副模樣踩入路旁的泰菜館"入油", 飽了就繼續行程到天黑, 才開著電筒走回架摩托處黑夜赤腳駕摩托回 "崩牙佬".

有一天, 我沿 MaeNam beach 走到盡頭接 BoPhut beach 的三角地帶, 四下無人之際見到隻類似獨木舟物體的黃色划板, 走近一看, 是一對無上裝的男女, 見我走近及拿著裝有腳架的相機, 竟就這樣赤裸著上身向我這邊行埋來, 叫我幫佢地影相, 年輕貌美裸女在眼前, 當然係義不容辭 try my “breast” 去羅個靚位同佢地影喇 ! 張相就儲存在 ……哈哈.

在蘇梅處蹓躂, 發現除 formal “course” 外竟然還有個 “driving range”, 100Baht 一籃子 50 個波連租埋支 “PRGR” 杆, 真係超級抵, 位置接近所落腳的 Ban Lamai, 一時手痕 ……, 死咯, 完全冇準備會去打 golf, 冇帶手襪, 著既唔係有領 polo shirt, 更冇帶 golf 鞋, 甚至根本冇著鞋, 點算 ? 入左去唔得先算喇, 入面的姐姐仔又冇因為我咁既模樣而唔做我生意, 反而以泰人慣有的態度招呼, 結果手痕之下, 做了件相信香港高球友從未做過, 自己亦從未做過, 以及在正常 golf 場不會做的事 : 赤著腳拿著球杆打高球 ! 自己都覺得十分搞野.

光陰似箭, 不經不覺又到和蘇梅吻別的日子, 這沙灘和又水又泥的馬路甚至山路沒對我這雙赤腳有甚麼挑戰, 想不到好戲在後頭, 真正考驗我這雙赤腳的能耐的, 竟然是返回 SuratTani 市區才真正開始來料 !

8. 黑夜,暴雨,水浸街,背負十多公斤背囊, 赤著腳流浪在 SuratTani 街頭 :
為了省回 travel agent 中間佣金(通常 backpacker 都有這心態, 非唔夠錢或孤寒問題), 加上想看看坐公共交通工具情怳是怎樣的, 早上在蘇梅島的 "崩牙佬" check out 後, 心想火車是夜晚才開, 有大把時間, 便背著所有十幾公斤行裝由 MaeNam 行到 BangPor (當然是赤著腳的, 因為根本就沒帶鞋, 怳且當時下著雨, 又濕又水又泥濘), 食過午飯後, 只花了 20 Baht 坐 RedBus, 幾個字後已到 Nathon 碼頭, 再用 130 Baht 買張船票, 坐 Seatran 船公司的免費老爺巴士到延伸出海中間的冷氣侯船室, 一路順利, 天還光著已到達 SuratTani 的 Donsak 碼頭, 但發覺沒車像在蘇梅島般等客出 SuratTani 市區, 更不用說去火車站, 開始頭痕了, 但想著還有 7 小時返曼谷的火車才開, 仍有本錢"玩野", 於是打著傘, 背著那十多公斤的背囊, 赤著腳一腳水一腳泥走了近一小時到另一個碼頭(小碼頭, 給小車的, 去蘇梅島 / koh phangan)碰運氣, 問帶鬼的當地帶隊, 得知可以"攝"埋上去那些包車團的冷氣大型旅遊巴, 見有這種旅遊巴車頭打著 SuratTani 正開車, 即意圖甚至企圖上車, 見你想上車自然有人問你取票, 當然沒有, 掏 100 Baht 即磅即拿飛即上車, 仲係即開車, 倒好, 有位有生意沒有話唔賺, 係香港政府才咁戇 X 赶客, 搞到玩車打 golf ...... (下刪最少十項) 都去了其他地方振興"人地"的經濟了! 自知再在 Donsak 磨爛席, 那些車走晒, 一個人在沒餐館沒賓館的 Donsak 碼頭地區, 老天爺更大開花灑, Holland Thailand Walk !!!

暗自慶幸, 捉到架車出 SuratTani, 但在旅遊巴上, 問鬼佬乘客這車是否去火車站, 沒人知, 他們都是 "豬仔團" - 付了錢給 travel agent, 唔知會點樣被人帶到預期的目的地, 都是跟團, 到 SuratTani 市中心轉車繼續"豬仔行程"的. 問不到答案, 只能去到 SuratTani 再算, 留意車外, 不見有那些熟悉的 "紅黃綠" taxi , 亦不見有像在蘇梅島所見的 RedBus - minibus, 危機感已有, 預期去到 SuratTani 市中心後, 如何去火車站將會是場"硬仗", 去的時侯, 已見到由火車站到市中心有一段不近的路程 - 那旅遊巴行了幾個字時間先到市中心見到地圖上見到的酒店的位置, 粗略估計十多公里一定少不了.

旅遊巴在 401 號高速公路行了個多小時車, 車抵市中心, 天已黑齊, 兼下著大雨, 全部乘客都被赶下車, 真的是赶, 沒甚麼禮貌那種, "恰"鬼佬挂, 我問那帶隊和司機如何去火車站, 他們只說這是該旅遊巴的終點站, 全部人都必須下車, 就這樣在外面滂沱大雨下被赶下旅遊巴. 問站頭(似係 travel agent office)帶住那車鬼老......細的帶隊, 他大腳一兜, 把我這個人球直飛龍門 - counter 入面賣飛的小姐, 問她如何去火車站, 得答案是外面有 "many (mini)" bus, 聽到"r"晒頭, 弄不清是有 "many buses"還是 "minibus", 相比較曼谷和泰國蘇梅島, SuratTani 的人的英文水平都頗差勁, 始終不是旅遊區嘛. 上了架 minibus (現在回想那 counter 的小姐所說的應該是 many buses, 因為最後都係坐 public bus 去到火車站), 問車上的少艾, 大家指手劃腳一輪, 最後使出最剎食一招, 拿火車票給她看, 她才明白我想去火車站, 她熱心的表示她會幫手通知司機在火車站停車給我, 相信她亦這樣做了, 我看見她付車資時和司機談了一輪, 不過我相信我都誤會了她的意思, 她原意相信是表示會叫司機在最近往火車站的地方放下我. 全部乘客下車後, 實情全部乘客得我和她, 那個司機左轉右轉, 轉彎抹角之下轉入一條橫街, 停下, 個司機走埋來, 我相信 SuratTani 的治安不會太差, 加上我這副模樣, 橫看掂看都不像會有錢, 和他雞同鴨講一輪, 最後他拿出三張 100Baht 的紙幣, 才明白他要 300Baht 才肯載我去火車站, 當然唔制喇, 在泰國蘇梅島的 travel agent 給我的 offer, 包所有車船接送到 SuratTani 火車站都是 480Baht, 那司機見我擰頭, 就自顧自駕著那小四輪車也不知載我去哪裡, 轉彎抹角, 我看著指南針都跟不上個方向, 最後, 停下車, 索了 20bht, 我亦一路記住顯眼的大地標如醫院等, 一下車即走向鬧區, 想著到鬧區問人應該有救.

看看指南針,確定火車站方向(但不知有多遠, 沒 SuratTani 的街道圖, 黑麻麻亦不知自己方位), 就開始問人, 見眼鏡店有靚女出來, 即問她如何去火車站, SuratTani 不是重點旅遊區, 當地人的英文真的完全不行, 結果又重施故技, 給她看火車票, 她也十分熱心, 表示外面有巴士往火車站, 並表示見到有去火車站的巴士來到停站時指示給我, 之所以話呢, 我說泰國的人們真可愛是有理由的, 他們的平均公民教養, 最少好過香港人 ! 巴士見有人正赶上來都會停下等埋, 不像香港, 等你望住個車屁股問侯司機個老母! 大陸反而唔會, 司機一定等埋, 錢作怪也, 接多個客司機會多些收入, 當然, 絕不是一竹篙打哂, 任何地方都有好人壞人和不好亦不壞的人, 看個比例罷了. 我問她有多遠, 她說車行約 5 分鐘, 行路約半個鐘, 叻唔切, 又衰左, 我見巴士這樣稀疏, 行喇, 我這雙赤腳由早行到晚都沒問題, 那區區半小時 ? 乞嗤喇 !

行了半小時到 45 分鐘, 看指南針, 方向正確, 但火車"軌"影都無隻, 知道又出問題了, 見路邊有旅館即入去問, 剛剛有班像大陸團的旅客光臨那小旅館, 那個帶隊不敢怠慢班老細, 把我交波叫去問入面 reception 的小姐, 那 reception 的小姐沒赶我出去反而告訴我可在外面坐 taxi (相信是那些小四輪車仔), 車費約 300Baht, 又是 300Baht, 即之前那司機真係沒有"昆"我, 當然, 如願付 300Baht, 在蘇梅島就老老實實給了 480Baht 那 travel agent 了 ! 自己都有點不好意思, 旅館雖然不大, 都叫做雲石地面, 制服 counter 小姐, 我那個模樣, 穿件有點髒(雨天環境折騰了成日, 想乾淨都難)的泰文 T shirt, 及膝沙灘短褲, 背著個大背囊, 拿著把濕傘, 打著赤腳, 在中國大陸隨時未入門已被保安仔攀走, 仲搞搞振無幫趁只係問路. 見路旁有旅遊警察牌, 想走入去問旅遊警察, 入到去見個格局象民居, 雞同鴨講下, 被個阿"嬋""禮貌地"赶出去滂沱大雨的馬路, 自己都話自己當時個 appearance 又真係幾"歪". 行到這路的盡頭, 前無去路, 只見 T 字路口和公路號牌, 翻看網上"單撈"的衛星圖, 比對指南針, 左邊 407 公路返回 Donsak, 右邊 417 公路方向往火車站, 好, 一於行 417 公路 ! 行了一段, 越來越黑(沒燈沒店舖更沒街燈), 更有點 high way 格局, 看看手錶, 擾擾攘攘已黑夜在 SuratTani 市內赤腳在又水又泥又看不清的路上背著個大背囊急走了幾個小時, 晚餐都不敢食去爭取時間, 見時間無多, 就算自己雙鐵腳板夠強能行到火車站, 肯定火車尾都無得送! 想起眼鏡店姐姐說有巴士去火車站,立即走回頭去回有巴士站之處, 見有巴士就上, 如行 417 公路就幫了一段路再算, 大方向沒錯差三兩公里行都行到; 如架巴士行另外個方向行 407 公路就立即叫停車落車, 上了車問是否去火車站, 為免誤會, 都係用相同招數, show 張火車票給個售票員, 她說 OK, 到火車站她會告訴我, 車票 15Baht (唔使 300Baht, yeah!), 唔使驚了. 巴士涉水(滂沱大雨下水深足一呎)行了幾個字已到達火車站, 晚上的 SuratTani 火車站十分冷清, 不望住個站牌完全認不出(去時是早上到達 SuratTani 火車站的), 只有一間 7-11 和 FamilyMart 24 小時營業, 見有時間, 到處逛逛看有甚麼吃的, 這時才有時間敢去吃晚餐, 背著個大背囊赤著腳在火車站一帶行了個大圈, 除有一間得幾張檯的"小"排檔, 和另一間頗"土"的當地小館外, 連個街市都烏燈黑火, 更有隻狗走出來凶我, 拿拿林返回火車站, 唸著去 7-11 捱面包, 遠在天邊, 近在......, 原來在面向火車站, 最右邊有間似樣些的泰菜館, 亦係唯一一間咁夜仍營業的食店, 有幾個鬼佬正在隊啤酒, 問店主, 他們的休息時間同最後一班火車到達, 正! 臨上車前吃了頓 10 隻蝦的冬陰公和其他泰菜, 想不到這竟然是到達香港前最後一餐, 幸好在 FamilyMart 買了條面包, 否則真係餓死, 因為入到火車站, 發覺又出事啦, 原來唸住在曼谷擦餐勁先上飛機個如意算盤又打不響了.

9. 幾乎流落曼谷, call 曼谷的朋友吹水食宵夜, 無幾日, 曼谷機場 close, 不知何日才能返港 :

參看火車時間表, 按原計劃, 火車會在翌日上午 10:30 抵達曼谷 Hua Lamphong 火車終站, 離飛機起飛時間足有 6 個小時, 夠晒時間他他條條在曼谷吃餐豐富泰菜才上機, 原來發夢無咁早.

SuratTani 火車站, 仍然滂沱大雨, 火車到達時間牌前. 早半粒鐘入到去, 寫住火車會 delay 50 miniute 才到, 心諗, 還有 5 小時, "大計"仍可實行; 到 50 minute,"delay one more" 修改到延遲 90 minute; 到 90 minutes, 再"更新"為 110 minute, 最後, 足足 delay 了兩個半小時火車才懶洋洋的進站, 真係 Delay No Mall ! 想著還會有三個半小時, 足夠由 Hua Lamphong 到機場, 到機場 check in 後才吃 late lunch 吧, 因太累, 在火車上不久, 迷迷糊糊就睡著了. 咦, 怎會睡得這樣穩定 ? 原來火車停了, 看看手錶, 已早上 6:30 已天光了, 外面站頭有個 "Chumphon"牌, 死啦, 6:30 仍在 Chumphon, 真係 Thailand Walk !!! 唔訓了, 扎起身看看發生甚麼事, 這 38 次列車不知何故, 懶洋洋行行停停, 下午 1:00 才到達 Nakhon Pathon, 即最快都要一個半小時才能抵達 Hua Lamphong, 到抵達 Hua Lamphong 時, 飛機 check in 早已開始, 足足 delay 了四個小時, 去泰國乘火車多次, 從未有過也!

2:30, 火車一埋站, 一個箭步衝出飛落車, 以跑 200m 的速度跑到馬路(穿回拖鞋了, 穿拖鞋跑反而沒赤腳快), 沒能多想, 求神拜佛祈求即時有 taxi 及不塞車(曼谷塞車世界馳名), 好彩, 剛有架 "紅的", 即截停及叫個司機火速到素汪那普飛機場, 上 express highway, 一路心跳加速, taxi 亦一路加速, 咪錶直指 140km/hr ! 果架雖然係紅色, 不過唔係法拉利呀, 又唔知司機手車點, 自己飛開車會知驚, 但又沒選擇, 阿彌陀佛, 有驚無險, 去到機場, 離 check in counter close 只剩幾個字, 司機也老實, "猜 meter" 220Baht 加自負 express highway 約 100Baht, 三百零 Baht 免去荷包一劫, 那時我已作兩手準備, 如塞車到達機場送機尾, 就實行 call 在曼谷的朋友商量當晚節目, 反正原有的機票已泡湯, 不知多少日才買到機票及是那天的機票, 加上之後又機場關閉, 更回港無期, 用盡盤纏就被迫要碌卡過日子了.

10. 尾聲 :
check in 順利, 曼谷 Air Asia 這邊沒香港那位肥哥哥咁煩, 沒甚麼阻滯, 心頭大石可放下, 總算有驚無險, 但已沒時間行 duty free, 更奢談去食野, 拿拿聲咬埋在 SuratTani 買的面包和飲埋樽水(液體唔准 hand carry 上機), 準備上機, 素汪那普飛機場設計安排好過香港, "passport control" 後可慢慢行街街食埋帶跟身的食物飲完水先過安全檢查, 過安全檢查才要立即上機, 香港國際機場一辦離境手續就過安全檢查, 你必須在辦離境手續前先在外面處理晒你 hand carry 的飲品食品, 即係"焗"你幫襯入面的食肆, 手法都有點卑鄙, 過了入境事務處和安全檢查, 還有漫漫長路坐埋鐵路列車行餐死先到上機閘口, 即係話香港這邊 check in 遲少少都赶到阿媽唔認得, 唔好話行街飲飲食食先上機.

素汪那普飛機場的 check in 和 "passport control" 都頗快捷, 我食完幾塊面包, 飲完樽水, 過 Air Asia 個位的安全檢查準備上機, 又有野啦 ! 今次唔係話只進帶一件手攜行李, 而係話唔准帶三個空水樽上機 ! o下, 三個水樽都係乾既, 沒任何液體, 原意是帶回港, 環保循環再用出山海活動時 refill 裝水飲的, 因為哪些樽的塑膠料是 LDPE 三角嘜個數字係 3 ,不是一般不建議返用的三角嘜個數字係 1 的寶特(PET)瓶, 吉樽都違例 ? 但係佢又俾我帶一個喎, 又一次"r"頭, 一個就一個喇, 都係果句, "權"頭在近, 無謂為兩個廢棄膠樽浪費時間拗撬甚麼.

12 日的 adventurous 赤腳上山落海歷險旅程, 食(唔差的覺得好過香港貴價野的泰菜, 買水, 面包), 住(唔好話一定要五星級 resort, 自己覺得舒服最緊要), 行(租電單車, 坐公共交通如巴士的士船火車), 共用了粗計 10000 Baht (折合港幣 二千二百多元), 來回香港曼谷機票香港機場呢筆就另計亦唔使講, 公價. 我不知這樣玩是不是屬慳錢之旅, 但我沒有給自己設用錢上限, 亦已準備可能要住幾星級酒店又或要訓街, 總的就是唔好"虐待"個肚, 要食好食夠, 有好覺訓, 要洗錢就洗, 但又要洗得其所, 一句講哂, 自己覺得開心舒服就是, 只不過在蘇梅島處玩了成十日才用了等值的兩千零蚊港幣且幾條大數都係長途交通支出, 又好似一個幾慳錢之旅, 正一在香港日常食和行(唔好計住)使費都要喇!

既然香港赶客赶走我地在香港玩健康活動的山海消費一族, 兌換了的 Baht 還有很多剩, 下次有時間再去過"幫手振興人地國家經濟", 歡迎好玩山水者同遊.

第一次泡制遊記, 希望各位看官未睇到訓哂覺, 或準備哂番茄雞蛋侍侯.

溫馨提示 : 赤腳暢遊 SuratTani / 蘇梅島甚至赤腳駕電單車是經長期訓練, 一般人切莫隨便模仿, 以免受傷或發生意外.

全篇完, 多謝各位看官撥冗收看.
頭像
水上飛
 
文章: 227
註冊時間: 2007-07-10, 15:15

文章 #2  未閱讀文章PoP » 2009-01-22, 19:04

去旅行赤住週街行,真係唔怕俾人打劫喎 :D

至於天體相,就要私下“貓“俾我見識吓囉 ;)
頭像
PoP
 
文章: 1695
註冊時間: 2007-06-24, 23:22

文章 #3  未閱讀文章水上飛 » 2009-04-29, 15:50

:D
頭像
水上飛
 
文章: 227
註冊時間: 2007-07-10, 15:15


回到 外地風情

cron